Graad 8 en 9
Die vak bestaan uit Geskiedenis en Geografie en help leerders om die wêreld, mense en gebeure beter te verstaan. Hulle bestudeer die verlede, leer hoe samelewings ontwikkel het, en ondersoek hoe mense en omgewings mekaar beïnvloed.
Die vak fokus op die leefomgewing en die taak van die mensdom in die skepping. In dié vakgebied geld die beginsel dat God oor alles regeer. Alle aardse verskynsels sowel as gebeure op die aarde word beskryf en beoordeel aan die hand van hoe God Homself in die Bybel openbaar. Die inhoud word so aan die leerders gebring dat hulle in staat sal wees om die eenheid tussen God se Woord en sy skeppingswerke kan sien.