Laerskool Dirk Postma bied gehalte onderrig vir graad 1- tot 7-leerlinge aan.
In die klaskamer en op die speelgrond word leerlinge aangemoedig om onafhanklik en in groepe te funksioneer en saam te werk. Leerlinge word goed toegerus om met ‘n sterk Christelike wêreldbeskouing en gereformeerde waardestelsel hul lewe te leef en in liefde na ander uit te reik.
akademie
Dirk Postma maak van ‘n verrykte kurrikulum gebruik, met die skool se Christelike-gereformeerde karakter wat sentraal tot die ontsluiting van elke vakgebied staan. Met die karakter as grondslag, word elke vakgebied geleer en ingekleur om as boustene vir verdere studies te dien.
God openbaar Hom in Sy skepping en in Sy Woord en deur Christelike wetenskapbeoefening word die natuur oopgebreek. Bybelonderrig is deel van die daaglikse roetine om goed gefundeerde, gebalanseerde leerling te kweek.
In 2023 implementeer Dirk Postma die IEB-skoolsisteem.