Naskool
Ons wil by GSDP ‘n veilige huislike omgewing skep vir leerders wie se ouers langer ure moet werk. Dit word gedoen deur drie toegewyde dames wat hierdie taak as ‘n besondere roeping beskou.
Die perseel is langs die laerskoolkantoor geleë en spog met ‘n veilige goed toegeruste speelruimte. Die kleuters word apart by die kleuterskool versorg.
Voorsien u kind asseblief van die volgende:
ALLE ITEMS MOET GEMERK WEES.
- Speelklere
- Potloodsakkie met skryfbehoeftes soos vir huiswerk benodig
Naskool
Vinnige skakels
Personeel
Die kinders word in verskillende groepe met ‘n toegewysde personeellid ingedeel sodat huiswerk effektief afgehandel kan word.
| Personeellid | Grade | Tyd |
|---|---|---|
| Mev Michelle Verhoef | Kleuterskool | 13h00 - 17h00 |
| Me Christina Bakker | Kleuterskool | 13h30 - 15h00 |
| Mev Leoni Prinsloo | Gr 1 - Gr 2 | 13h00 - 15h30 |
| Mev Rinske Meyer | Gr 3 - Gr 5 | 14h00 - 17h00 |
| Mev Jeannett Bosker | Gr 5 - Gr 7 | 13h00 - 15h45 |
Fooie 2026
| 1ste leerde | 2de leerder | 3de+ leerder | Dagtarief | |
|---|---|---|---|---|
| Maandelikse tarief vir 12 maande | R1,030 | R820 | R305 | R85 |
| Registrasiefooi: R 250,00 eenmalig per nuwe gesin | ||||
Die fooie sluit slegs ‘n vrug en ‘n koeldrank in, elke leerder moet self ‘n kospakkie vir die middag saamneem.
Ure:
Direk na skool: 13:00/13:30 tot 17:00.
Nasorgsentrum sluit stiptelik 17:00. Verseker asseblief dat u kind betyds gehaal word.
Program
| Program | Tyd |
|---|---|
| Speel en eet | 13:00/13:30 – 14:00 |
| Huiswerk | 14:10 – 15:10 |
| Verversings | 15:10 – 15:30 |
| Huiswerk selfstandig voltooi – huistoe gaan | 15:30 – 17:00 |
| Indien huiswerk klaar is, speeltyd | 15:30 – 17:00 |
| Vrydae | Bak en brou of kreatiewe kuns of speletjies en sport |
Huiswerk en studies
- Huiswerk word van 14:10 – 15:10 gedoen. U kind sal in die voltooiing van sy/haar daaglikse huiswerk bygestaan word. Toesig en hulp sal met studies gedurende toets- en eksamentye aangebied word.
- Ouers is steeds verantwoordelik om huiswerk na te gaan, al word huiswerk en studies by die naskool voltooi.
- Indien u kind nie die huiswerk in hierdie tydgleuf voltooi nie, moet die kind dit selfstandig by die naskool of tuis voltooi.
- Graad 1-ouers moet asseblief na hul kind se leeswerk luister.
Buitemuurse aktiwiteite
Ons sal verseker dat u kind die aktiwiteite waarvoor hy/sy ingeskryf is gedurende die week, bywoon. Voorsien die naskoolonderwyser asseblief van alle inligting met betrekking tot buitemuurse aktiwiteite. Indien die buitemuurse aktiwiteite in dieselfde tydgleuf as die huiswerk val moet die kind dit selfstandig by die naskool of tuis voltooi.
Vakansies
Nasorgsentrum is tydens die skoolvakansie as volg oop:
| Vakansie | Inligting |
|---|---|
| April | Gesluit |
| Julie |
|
| Desember |
|
Reëls:
- Selfone: Geen selfone. Indien ‘n ouer wil skakel, kan die onderwysers wat toesig hou gekontak word. Hulle moet ongehinderd kan speel en huiswerk doen.
- Waardevolle items: Nasorg neem nie verantwoordelikheid vir waardevolle items wat leerders saamneem nie. Indien dit breek of wegraak is die leerder wat dit saamgeneem het self daarvoor verantwoordelik.
- Speelklere: Indien leerders aan gimnastiek of ballet deelneem en reeds die klere hiervoor aantrek, moet hul gewone klere bo-oor aantrek. ‘n Leotard is nie gepaste speelklere nie.
- Snoepie: Die nasorg het ‘n snoepie, leerders mag geld saamneem om te koop.
- Vloek: Geen gevloek of vuiltaal sal geduld word nie.
- Boeliegedrag: Geen boeliegedrag sal geduld word nie, leerders wat hul hieraan skuldig maak kan gevra word om die nasorg permanent te verlaat.
- Vandalisme: Indien leerders die skool of nasorg se eiendom beskadig sal baie streng opgetree word. Die leerder en sy/haar ouers sal verantwoordelik gehou word vir die koste hiervan.
- Alle ander skoolreëls geld ook vir die nasorg.