“En hy sal wees soos ‘n boom wat geplant is by waterstrome wat sy vrugte gee op sy tyd…” Die voorstelling op die skoolwapen, ‘n boom wat langs ‘n waterstroom geplant is, verwys na Psalm 1 en simboliseer die identiteit van die skool.  Die boom versinnebeeld ‘n gelowige en die waterstroom is die Woord van God.  Net soos die boom deur die waterstroom gevoed word, so word die gelowige deur die Woord van God gevoed.  So wil die skool deur God se Woord en sy Heilige Gees gevoed word.  Hierdie bron is bepalend vir die onderwys en opvoeding van die

skool. Dié bron gee ons krag en maak ons gelukkig.  “Geseënd is die man wat op die Here vertrou…”    (Jer. 17:7).

Die leuse van die skool is “Wees sterk en vol moed” uit die eerste hoofstuk van Josua.  Met dié woorde spoor die Here Josua aan om sterk en vasberade te wees in die verowering van die land Kanaän, die land wat die Here met ‘n eed aan die aartsvaders beloof het.  Van ons word ook verwag om sterk en vol moed binne die kader van die verbond met die Here op te tree.

       Dirk Postma